Тежок е за имитирање, ама овој му ги фатил спецификите и го кине во секој покрет, особено во начинот на радување за гол.

71 од 71, неверојатно. Признаваме, ние не ги знаеме сите.

Тренерот на Ипсвич, Северно Ирецот Киран Мекена направи чудо откако овој клуб прво го внесе од трета во втора лига, а сега и во елитната и богата Премиер лига. Ќе се мери со Гвардиола, Артета и најдобрите премиерлигашки тренери.

12 натпревари и 11 асистенции по првите 11 кола од стартот на сезоната, рекорд на еден играч во историјата на МЛС лигата.

Со десна, со лева и со глава - хет трик во фудбалот познат како перфектен. Во 30. коло од саудиската Про лига, Ал-Наср со 6-0 ја совлада Ал-Вехда. Кристијано Роналдо постигна три гола, а по 1 Отавио, Садио Мане и Мохамед Ал-Фатил. Португалецот стигна до бројка од 32 гола на 27 меча во саудиската лига а има и 10 асистенции. Ова беше трет хет-трик за Роналдо на последните седум меча, дури 66-ти во кариерата а тој полека се приближува до фасцинантната бројка од 900 гола во кариерата.

На неверојатната голгетерска серија на Бојан Миовски и нема крај. Гол број 25 сезонава.

Му тргна на Енис Барди во последно време. Две кола по ред постигнува мајсторски погодок.

„Кралскиот клуб“ и дефинитивно ја освои шампионската титула во Ла Лига со што стигна до 36. шампионски пехари во шпанското првенство во својата историја. Реал го совлада Кадиз со 3:0 а Барселона неколку часа подоцна загуби во каталонското мини-дерби од Џирона 4:2 и „кралевите“ и теоретски ја освоија титулата. Ова значи дека од оваа генерација се најтрофејните играчи во славната историја на големиот клуб.

Манчестер Сити го разби Вулверхемптон со 5-1 (3:0) во натпревар од 36. коло од Премиер лига на кој Ерлинг Халанд постигна четири гола, а еден даде неговиот ортак од нападот Хулиан Алварез.

Фудбалерите на Реал Мадрид се шампиони на Шпанија по 36. пат откако во саботата доцна попладне со 3:0 го совладаа Кадиз и го искористија поразот на Барселона од Џирона 4:2 во натпревар кој се играше подоцна.

И покрај тоа што е дел од фамозната Сити Груп во која припаѓаат Манчестер Сити и уште некои други богати клубови, француска Троја игра очајна сезона во втора лига. На 17-то место се, со 38 бода и речиси сигурно ќе испаднат во трета лига. Во петокот вечер Троја играла против Валенсиен кој е одамна испаднат и последен на табела. При резултат 1-1 домашните навивачи револтирано фрлале бакљи на терен и судијата го прекинал мечот во 88’ минута.

Во петокот вечер холандскиот второлигаш Рода со 2-0 го совладала Камбур и навивачите мислеле дека е готово, обезбеден е пласманот во прва лига. Ама третопласираниот Гронинген израмнил 1-1 во 90+5’ минута на гости кај Телстар и ги искомплицирал работите за Рода. Навивачите џабе втрчале во терен и славеле.

Во првиот натпревар од 34. коло во шпанска Ла Лига, Хетафе го пречека Атлетик Билбао. Во Шпанија бил ден на мајката, па домашните фудбалери во таа чест излегле рака под рака со своите мајки, сопруги или жени кои имаат сезонски карти. На крајот гостите од Баскија славеа 0-2 со два гола на Ињаки Вилијамс на асистенции на неговиот брат Нико Вилијамс. Атлетик Билбао играше со двајца играчи помалку по црвените картони на стоперите Јерај Алварез во 58’ минута и Аитор Паредес во 79’ минута.

Кога голем дел од видеата со голови се блокирани поради авторски права на ФИФА и УЕФА, се наоѓа по некое видео со арапски коментатор кој веќе стана славен со неговите дерења.

Италијанскиот репрезентативец кој е привремено отстранет од репрезентацијата и од Њукасл поради големиот обложувачки скандал, доби нова казна од англиската фудбалска асоцијација (ФА).

Во борба против комерцијализација на фудбалот и крик за зачувување на старите добри вредности во фудбалската игра, во градот Херне во Германија бил организиран натпревар меѓу голи и облечени.

Во фудбалската лига на Гварамбаре, пониски дивизии во Парагвај, Јужна Америка судија едвај спасил глава, поточно го спасиле воени единици. Буквално војска на терен. Кај нас за традиционално најтешки гостувања отсекогаш важеле Велешта, Арачиново, Косел...

Фил Фоден има само 23 години а толку големо и богато фудбалско искуство. Тој е дете од школата на Манчестер Сити, од времето кога овој клуб уште не беше најбогат клуб на светот. Фоден бил вљубен во Сити а како мал често излегувал со играчите на терен и фаќал топки крај аут линијата. Во последните неколку сезони тој е еден од најдобрите светски фудбалери и еден од најзаслужните за бројните трофеи на Сити.

Уругвајскиот центарфор сезонава на 51 настап во сите натпреварувања за Ливерпул постигна 18 гола и имаше 13 асистенции. А можеше да има двојно повеќе голови да не промашуваше неверојатни зицери. Навивачите на Ливерпул кинеа нерви со едно од најскапо платените засилувања во клупската историја (платен 85 милиони фунти!). Јирген Клоп со право спушташе раменици многу пати сезонава и кажа дека на толку шанси екипата морала да освои повеќе бодови насекаде.

Тами Абрахам, центарфорот на Рома, влезе во 90’ минута од клупата за резерви на мечот со Леверкузен. Имаше само четири минути да проба да направи нешто. Му се даде нереална шанса пред празен гол во последните секунди да намали на 1-2 против Баер Леверкузен и да ѝ донесе на Рома какви-такви шанси за поволен резултат во полуфиналето.

Дали те потсеќа Килијан Мбапе на Тиери Анри го прашува водителката Алесандро Дел Пјеро а тој вели: „Секако, секако... Имаше секакви, ама дечки Тити на времето беше незапирлив. Криво ми е само што не игравме повеќе еден против друг, јас бев често повреден“.

Сан Себастијан е град во Баскија, во Шпанија, главен град на провинцијаа Гипузкоа, на само 20-ина километри од шпанско-француската граница. Во радиус од 25 километри во неколку различни местенца се родени Чаби Алонсо, најдобриот тренер во Европа за сезонава 2023/2024 кој прави чуда со Баер Леверкузен, Унаи Емери од Астон Вила, Микел Артета од Арсенал и Имано Алгуасил од Реал Сосиедад.

Грчки Олимпијакос ја забележа можеби најголемата победа во својата понова клупска историја, откако синоќа во Бирмингем во полуфинале од Лига на Конференции ја совлада Астон Вила со 2:4. Финалето на овој турнир се игра во Атина така што навивачите на Олимпијакос сонуваат дека би можеле во својот град да стигнат до пехарот.