Британската мултинационална компанија која стои зад некои од најпознатите објекти во светот, меѓу кои и Оперската куќа во Сиднеј,  призна дека биле жртва на „дипфејк“ измама (реалистични мултимедијални содржини продуцирани со ВИ). На нивен човек во Хонг Конг му направиле дипфејк шашма и овој им исплатил 25 милиони долари на преварантите.

Како во кој момент ѝ одговара на државата, така ќе ви одредува што да правите.  Она што довчера беше задолжително во време на пандемијата, носење маска  на јавно меасто, сега во Америка почнува да се забранува, дури и кога се работи за здравствени маски и дури кога тие се носат исклучиво од здравствени причини. Зошто? За да не може да се криете од полицијата кога протестирате.

Доживотни казни за нешто што е изговорено? Притвор за „пред-криминал“ како во „Minority Report“ со Том Круз? Анонимни обвинувачи? Сето тоа го има во нацрт законот на Трудо за “онлајн штета“ кој првично беше само за заштита на децата. Перјаницата на глобалниот нелиберален либерализам сака да ја замени канадската лабавост со колективна параноја.

Управувањето на Твитер од Илон Маск често се оценува како непредвидливо. Но, коосновачот на платформата, Џек Дорси, го разбира и го брани пристапот на својот наследник: потезите на Маск се неопходни за неговата цел да го направи Икс платформа за слободен говор. Таков модел не е можен ако постои огромна зависност од големите огласувачи, како што беше претходно.

Престижниот МИТ стана првиот елитен универзитет кој од идните вработени нема да бара да даваат изјави за тоа како ќе придонесат кон „диверзитетот и инклузивноста“ на институцијата. Сфатиле дека таквите изјави се само празни домашни задачи кои можеби звучат убаво но со ништо не придонесуваат универзитетот да стане она што сака - збир на таленти на кои им се пружаат можности да се развиваат. 

Поранешна Мис и фотомодел и сегашна локална лидерка на партијата АфД од Ротенбург во Долна Саксонија е прогласена за виновна и казнета со 6.000 евра. Нејзиниот грев? Цитирала статистички податоци за несразмерниот удел на дојденците од Авганистан во силувањата во земјата. Тоа да ти било поттикнување омраза и нетрпеливост.

Во Џорџија дури минатиот месец бил потпишан закон дека е нелегално да упаднеш во туѓа куќа и таму да живееш, но тој закон ќе стапи на сила во јули. Во меѓувреме, уапсени се шестмина кои го направиле тоа, но не затоа што упаднале и пола година живееле во туѓа куќа од половина милион долари, туку затоа што украле кола од комшиката. Им здосадило на дечките.

Резултатите на некои од најпознатите американски корпорации како Медоналдс, Пица Хат, Старбакс и други, покажуваат дека нивните купци го стегнале каишот и намалиле со потрошувачката, водејќи сметка каде ќе го потрошат секој долар. Високата инфлација помина но цените не се намалија туку се стабилизираа, што не е доволно луѓето да се опуштат.

Како резултат на глобалната паника околу темата и драмолетките на Грета Тунберг, многу млади искрено се уплашени дека нема да стигнат да пораснат бидејќи дотогаш климатските промени ќе ја уништат Земјата и животот на планетата ќе го снема. Професор од Кембриџ ја смирува тензијата. Не сме на ивица на пропаста а климатизмот се оддалечи од науката и стана идеологија.

Хитроу и Дубаи се меѓу најзафатените аеродроми на светот и на таа рута летаат милиони патници но и милијарди нелегални долари. Таа авионска линија е идеална за перење пари: на едниот аеродром не проверуваат колку пари носиш, а на другиот аеродром си добредојден со сите пари кои си ги понел. На тој налин летаат стотици нилијарди долари. А ние ќе се тресеме за две штеки цигари.

Неодамна пишувавме дека иако грижата на совест за климата упорно се натура на сите поедеднакво, половина од проектите за проширување на капацитетите за вадење нафта и гас до 2050 година се само кај пет земји. Сите богати, сите од север. Сега за пластиката. Една четвртина од целокупната пластика на оваа планета ја пуштааат само пет брендови.

Амнести интернешенел неодамна за'ржа кон Саудиска Арабија барајќи да ја прекинат репресијата врз слободата на изразување и веднаш да ги ослободат сите неправедно приведени поради изразување на нивните ставови, вклучително и изразување поддршка за правата на жените. Еве, одма ги послушаа: „погрешно облечена“ фитнес инфлуенсерка пратија на 11 годишна робија.

Њујоршкиот Колумбија универзитет побара да се расформира протестниот камп за Газа поставен на универзитетскиот кампус и на студентите им даде ултиматум да потпишат формулар дека се согласуваат со универзитетските политики кои ќе важат до јуни 2025 година. Во спротивно суспензија која нема да им дозволи да го завршат тоа што го почнале.

Во Лос Анџелес годишно умираат повеќе луѓе отколку што своевремено загинаа во Хирошима. Меинстрим наративот е дека бездомништвото е резултат на сиромаштијата, но не е. Таа се намалува а бездомништвото се зголемува. Огромен дел од оние кои се на улица се со тешка зависност или нетретирана ментална болест. Состојбата ја влошија невладините кои ги бранеа на најлош можен начин.

Волстрит журнал потсетува дека генерацијата која годинава дипломира влегоа по колеџи во време на карантини и изолација а излегуваат со протести (за Газа). Пандемијата направи многумина од нив анксиозни и осамени во своите соби во кои и следеа настава и играа игрици и јадеа. „Никогаш немавме мирно време во кое ќе можевме да бидеме едноставно млади.“

Со просто мнозинство, Устика, мал сицилијански остров со 1.300 жители, му го одзема почесното државјанство на Волт Дизни, носејќи закон според кој само живите можат да добијат такво признание. Но, покојниот американски аниматор беше само колатерална штета: вистинската цел беше Бенито Мусолини.

Свиркачот Едвард Сноуден (кој пред 10-тина години обелодени како ЦИА И НСА шпионираат кого стигнат, меѓу другото и телефонот на Ангела Меркел) драматично предупреди дека озллогласената НСА ја делат само денови да има целосна контрола на интернетот и овластување од секоја компанија или поединец да прави свои агенти. Без ниедна насловна во медиумите за тоа, амандманот тивко веќе помина во едниот дом.

Чеченскиот министер за култура објави забрана за сите музички, вокални или кореографски дела кои нема да бидат во темпото на традиционалната чеченска музика и вкусот на чеченскиот темперамент. Седнале со Кадиров и со метроном и премудро решиле дека една песна не треба да биде ни брза ни бавна туку -  таман. Следува БПМ спецификација.

Не само што лажните Армани ги шијат Кинези туку и оригиналите ги шијат Кинези, живеејќи и работејќи во супстандардни услови во околината на Милано, некои од нив комплетни илегалци во земјата. За чанта која Армани ја продавал за 1.800 евра, на кинескиот подизведувач му биле давани 90-тина евра а не се знае колку од тоа завршиле кај работниците.

Вината за зголемените емисии на озлогласениот јаглерод диоксид често се препишува на сите нас кои ја уништуваме „мајкичка Земјичка“, до толку што уште малку ќе не фати грижа на совест што воопшто дишеме па издишуваме CO2. Неодамна излезе отрезнувачки извештај за фактичката состојба на планетава: не сме сите криви туку огромно мнозинство од емисиите водат до само 57 компании и држави во светот.

Приказната од канадски Квебек е морничава и ужасна и да се раскаже на кратко, и да се погледне на долго. Еве најкратко што може: 14 годишно девојче првпат влегува во приватна педијатриска џендер клиника на Квебек и се самодијагностицира како трансџендер. Само девет минути подоцна, лекарот ѝ препишува на тинејџерката 30 милиграми тестостерон неделно. 

Ненси Питер има земено студентски кредит за да може да заврши психологија. Е, добро де, ќе го врати. Е, кога ќе го врати, ене ја во пензија, чува внуци и и не само што уште должи за земениот студентски кредит, туку должи и повеќе од кога го има подигнато.

Се сеќавате ли на оваа екстремна еврејска секта која пред неколку години дојде во Македонија ама не ја сакаа нигде па се префрлуваа од Куманово во Скопје во  Охрид, за на крај Петар Богојески великодушно да им понуди да се сместат на неговиот имот во Крушево? Ги испозатворија, за киднапирање и трговија со деца.

Кога високи американски генерали се пензионираат, ретко кој решава да шета внучиња по парк или конечно да ја среди онаа шупата што му е хаос. Влегуваат во лукративниот круг на говорници на кои агенции им наоѓаат тезги со извршни директори и слична публика. Хилари Клинтон од еден таков говор заработува колку што генералот Марк Мајли заработуваше цела година од армијата.