Не само што прекопување на градината за да се спреми за ново садење цвеќе или зеленчук е аргатска работа, туку било и штетно за околината, бактериите, јаглеродот.... Доволно било да се фрли компост на земјата и и да им се остави на црвите да бркаат работа. Ние одамна знаевме дека џабе ќе се фаќаме за лопата.

Шеста година по ред, Финска е прогласена за најсреќната земја на светот. Накратко сумиран последниот извештај: финските деца уживаат во слобода, возрасните им веруваат на своите комшии, луѓето знаат да уживаат во природа и навреме си одат од работа. Тоа што изгледаат интровертни, тоа е затоа што не пикаат нос во туѓи работи.

Има една глупа капиталистичка логика дека ако човек сака да ги оствари своите амбициозни планови и да стигне да заврши сè што треба во текот на денот, треба да си скрати малку и од спиењето. Вистинските генијалци би се изнасмеале на ова, ако веќе не биле отидени на спиење.

Пластиката што плови во масивниот остров од ѓубре во Тихиот океан станала дом на чудни нови мешавини на крајбрежни и морски видови. Накратко, човечкото ѓубре има создадено мини планета за видови кои обично не би се сретнале а денес живеат во заедница. Таквите неприродни заедници може да станат опасни по еко-системите.

Некој се сетил за актуелната тема околу писмото со кое се бара пауза во истражувањата на вештачката интелигенција да ја праша и другата страна. Да, вештачката интелигенција. Мамицата, ботот вика дека заедничка била одговорноста, наша и негова, ко да сме паселе овци заедно. И иритиран е од ова, ама има разбирачка за нас луѓето. Сме го јаделе. 

Некои вести по својата содржина сами се позиционираат во времето и не мора да проверуваш да не се работи за нешто старо (освен вести како оние дека ќе се гради пруга кон Бугарија). За оваа вест е јасно од која декада доаѓа - од оваа. Во 80-ти години, на пример, ова ќе беше хумор и сатира.  

100 пати почкарт Ајфон од последниот модел што на пазарот го извади Епл е продаден за 100 пати поголема цена. Зад зделката стои љубовта/болеста наречена колекционерство.

Почина добитникот на рекордната европска лотарија со џекпот од 257.6 милиони долари. Но, барем успеа, додека беше жив, да списка 50 милиони од добивката, свесен дека нема да ги носи в гроб. Само што, уште повеќе пари доби неговата сопруга, со самото тоа што се разведе од него.

Нервозни заради метежот во сообраќајот, незгодниот шеф, колегите на работа, лошиот брак, беспарицата, или други животни проблеми? Некогаш ви доаѓа сè да искршите? Ако немате некое полокално решение, тогаш трк до Загреб.

Рачно нацртана мапа со црвени ознаки, кои наводно покажуваат каде се наоѓа богатство закопано од нацистите инспирирала навала ловци на богатство во холандското село Омерен. Властите го забраниле ловот едно заради мир на тамошните жители, друго затоа што како поранешен дел од фронтот околу селото има закопани и неексплодирани мини и гранати.

Од незадоволници што во дебатата за формата на нашата планета има само две опции, своевремено беше лансирана тезата дека Земјата не е ниту тркалезнa ниту рамна туку дека има облик на крофна. Тоа што приказната почна како шала, а суштината ѝ беше глупа, значеше само едно, дека има големи шанси да „се фати“. 

Во својот внимателно модериран дел „мислења и коментари“, Њујорк тајмс најде за потребно да одвои место за теза според која партнерот со кој ќе решите да се размножите треба да е од пониските. Предностите да ти биле повеќекратни.

Во годината што помина луѓето главно се занимаваа со војната во Украина, коронавирусот, климатските промени и досетливите начини на кои ДУИ нè мочаат од ќерамиди. Сепак, во пукнатините на тие големи информативни блокови, се протнаа и многу други фрагменти не кои сега ќе им оддадеме почест.

Легендарниот глумец почина во 1972 година, на 32 годишна возраст, од церебрален едем. Во тоа време се заклучи дека причина за смртта се двe некомпатибилни лекарства против болки кои Ли ги земал пред смртта. Сега излегува нова теорија. 

Мртвото море со децении е систематски уништувано. Секоја година е пониско за еден метар, и во моментов неговата површина е само една третина од некогашната. Постојат решенија за спас, но со оглед на тоа што ништо не се презема, се чини дека решиле навистина да го умрат.

Неделава германските службите спроведоа рација во која уапсија 25 лица под обвинение дека подготвувале државен удар. Привлекоа внимание сознанијата дека не се баш класични терористи, туку припадници на кралство, а Би-би-си веднаш појде на гости кај кралот. 

Годините никој не може да ти ги врати, освен владата, и тоа под услов да живееш во Јужна Кореја. Граѓаните наскоро формално-правно ќе станат помлади за година-две, како резултат на промената во начинот на кој официјално се бројат годините.

Исправањето на две нозе не била лесна и едногласна одлука на еволуцијата. Не бадијала цели четири милиони години сме се фемкале околу тоа, вагајќи ги компромисите на тој процес. Следниот пат кога ќе ве стегнат синуси, сетете се дека тие дренажни канали се свртени нагоре, контра гравитацијата.

Во недостаток на други предизвици, американски оддел за флуидна механика решил да истражи кој облик на писоар најмалку „прска“. Имаат фаворит иако експертите за флуидна механика ја потценуват способноста на сељачиштата да му најдат слаба страна и на идеално дизајнерско решение. 

Наспроти прекрасните пропорции на Витрувиевот човек на Леонардо Да Винчи, совршено опфатени во кружница и квадрат, нашиот физикус е една збирштина од фабрички грешки, инженерски утки и еволуциски ќорсокаци, што изгледаме како дело на Хомер Симпсон повеќе отколку на кој било друг. 

Жил Мартин, основачот на компанијата за лабораториски тестови Еурофинс која се збрлави од пари за време на пандемијата, и неговиот брат купиле 4 куќи на „Полуостровот на милијардерите“ на француската Ривиера за топтан цена од 130 милиони евра.

Да го судеа по шеријатски закон, студентот кој маваше по кралот со јајца ќе останеше без раката со која фрлал. За негова среќа, остана само без ова другото.

Американските групите за планирање на родителството ја изгубија битката околу правото на жените на слободен избор по одлуката на Врховниот суд за абортусот. Но, жените се само половина од битката. Сега се фокусирани на другата половина, мажите, на кои им се нуди бесплатна вазектомија. 

Когнитивна дисонанца е кога ти е непријатно што имаш две мислења кои се судираат меѓу себе. Ама барем ти е непријатно. Има и кога тераш две контрадикторни приказни а не ти чуе. Тоа се нарекува двојно мислење и му беше познато уште на Орвел.