Уплавот од CO2 и фамозната енергетска ефикасност се два столба на стравот поврзан со климата. За првото ќе бидеме до крај коректни дури кога ќе престанеме да дишеме а за второво постојано се наоѓаат нови непријатели. Еве сега дознаваме дека еден ЧетГПТ муабет трошел енергија колку 17 Гугл пребарувања. Што значи дека енергетски најефикасно би било ако почнеме да бараме одговори од некој кој гледа на гравчиња. 

Ако некој ви раскажува како е во неговиот/нејзиниот брак или врска, можете да завршите убедени дека СТВАРНО знаете што се случува таму. Додека не ја слушнете другата страна. Ова е таква приказна: расплакана самохрана се снима како сама си прави роденденска торта, само за да можат нејзините деца да се радуваат додека ѝ пеат хепи брдеј. Тоа проаѓа масовно на интернет. А потоа се јавува таткото.

Стариот Ворен Бафет тврди дека може да го реши дефицитoт на државата за пет минути. И навистина идејата е генијална: усвојуваш закон кој вели дека во оној момент кога дефицитот во земјата ќе надмине 3% од БДП, актуелните пратеници и владата автоматски биваат дисквалификувани од учество на следните избори. Па да видиме кој ќе се прави галантен со наши пари!

Трамп испаднал тежок сељак пред јапонскиот амбасадор... Путин признал дека има компромитирачки материјал за Трамп... Трамп држи мигрантски деца во кафези... Трамп не ставил слушалки за превод зашто не го интересирало што има да каже италијанскиот премиер... Сето ова е објавено во угледни меинстрим медиуми. И ништо од тоа не е точно или барем е јако изманипулирано.

Научници, доктори,  влијателни медиумски лица, политичари... мала компилација од оние кои беа апостоли на задолжителното вакцинирање за подоцна, поради личен или сличен пример да се предомислат. Нормално, не беа сите тие дел од заговор, туку така ни беше кажано (а некој па и знаел, така ли е Фаучи?). Чисто за некој следен пат, да се намали со чаталење кога се верува дека се поседува конечната вистина.

Ако досега не бевте сигурни за својата приватност додека сте на интернет, гледајте што е на ред. Микрософт и нивната „Recall“ опција која функционира вака: компјутерот непрекинато прави скриншотови од сè што се случува на вашиот екран и потоа тие податоци ги обработува ВИ, за да ви даде сè што ќе побарате, дури и да не ви било напишано туку само видено. Да де, може и некој друг да побара. 

Се сеќавате на оние збунувачки вести во пандемијата дека пушачите многу подобро се справуваат со ковид отколку другите? Доктор Брајан Ардис вели дека тоа е само мал дел од фантастичните медицински и здравствени придобивки од никотинот кој го содржи тутунот. И за превенција и за лекување. Алцхајмер, Паркинсон, аутизам, мозочни тумори, артритис...

Сенаторот Линдзи Грем има многу  причини да се срами од своите ставови но познат е баш по тоа што не се срами, па затоа знае најдиректно и најсоголено да го каже она што другите американски политичари го виткаат во обланди. Така беше со задоволството што гинат Украинци ослабувајќи ја Русија, така е и сега, за хашкото барање за апсење на Нетанјаху: „Ако го дозволиме тоа, ние сме следни“.

Ако ова не е некоја ујдурма со вештачка интелигенција, тогаш видеото е многу, ух. И страшно и бурлескно истовремено. Човекот се вика Џеред Бернштајн и е прв човек на Советот на економски советници, главното тело кое го советува Џо Бајден за економски политики. И прашањето кое му се поставува е од тој домен. А одговорот? Ко Славјанка да си ја прашал за Шопенхауер.

Пред војната во Украина, уделот на руска нафта во Индија бил помал од 1%. Денес изнесува речиси 40&. А сега за другата страна на равенката која расветлува зошто Европа економски издишува: пред војната, Европа не купувала нафта од Индија, денес таа е најголемиот купец. Русија лајкс дис, Индија лајкс дис, а до кога од ЕУ ќе си пукаат во нога, не е јасно.

Ако некој е против Путин (важен услов: а да е жив), тогаш тоа е Михаил Ходорковски,  рускиот олигарх пребегнат во Лондон, кого официјална Русија го смета за сопственост на МИ6. Тој и таков Ходорковски вика: ги молам моите украински пријатели да затворат уши, ама, морам ова да ви го кажам... И безмилосно реди бројки кои го носат до заклучок дека до крајот на годинава, Украина го губи Харков, до средината на следната Одеса...

Едно од крвните ривалства на планетава кое за цело чудо со децении нема еруптирано е меѓу Кина и Индија. За ова помага и еден договор меѓу двете држави од 1996 кој забранува користење оружје од граничарите од двете страни на границата.

Валентина Гомез е републикански кандидат за позицијата државен секретар на Мисури. Слоганот ѝ е „Жена со мисија“ и својата главна порака ја испорача додека џогира и тоа со натнат панцир на неа. „Во Америка можете да бидете што сакате. Не бидете слаби и геј, останете ебено јаки“. Добро ма Вале, а што ако некој сака да биде слаб и геј?

Американец од Калифорнија оди во Јапонија да разлгеда што има недвижност да се купи и кои се цените во споредба со баснословните суми што ги бараат кај него дома. Куќата му излегува некаде 835 долари / м2, без да смета и дворот што е влезен во цената.

Луда презентација на способностите на ВИ агентот на Гугл. Пушташ камера во канцеларија и го прашуваш дали гледа нешто што прави звук. Ти покажува звучник. Знае да ти опише кодови, да ти го оптимизира серверскиот сетап нацртан на табла. Вртиш камера преку џам и го прашуваш, во кое маало сме? Ти кажува. На крај го прашуваш да не ти ги видел некаде наочарите? На маса ти се, до јаболкото.

Велат дека во Америка мора само да умреш и да платиш данок. Првото останува фикс, а ова второво е прилично флексибилно и зависи колку си способен да ги заобиколиш правилата. Ворен Бафет и неговиот мултинационален конгломерат Беркшир Хетавеј плаќаат пет милијарди данок. Стариот вика, ако најголемите 800 компании поштено го платат својот, ниеден Американец не би морал да плати ниту цент федерален данок.     

Во објектите во кои ќе бидат сместени спортистите за Олимписките игри во Париз пристигнале анти-секс креветите (користени и на ОИ во Јапонија 2020 година), чиј дизајн треба да ги одвратат Олимпјците од идејата и тие да го паметат Париз како „град на љубовта.“ Исклучително се мали и двокомпонентни, да не можат да се спикаат двајца во еден кревет, а велат и дека се направени да се срушат под тежина на двајца луѓе. Ама, не е важно да се победи, важно е да се проба.

Казахстански градоначалник објавил тендер за поставување на тротоар, веројатно најдобрата понуда го добила тендерот и тротоарот е направен. Сè како што треба по книга. Откако е направен, активисти креваат галама и му предлагаат на градоначалникот и градежникот, да го пробаат тротоарот со инвалидска количка. За чисто чудо овие прифаќаат.

Вака ќе изгледа иднината во многу подрачја, на пример во бизнисот, во одделите за помош на корисници и слично. Ќе си прават муабет две вештачки интелигенции и 'човечки' ќе се разберат. На твоето ВИ алтер его му го објаснуваш проблемиот со новиот Ајфон, се врти телефон кај што треба, се јавува друго 'лице' надлежно за проблемот и се наоѓа чаре.

Пратеничка на украинската Рада, Ана Скороход, зборува за новиот бран на ситни кражби кој ја зафаќа земјата извршени главно од мажи на возраст за служење војска.

Матиас Штајнер е германски репрезентативец во кревање тегови кој учествува на Олипијадата во Пекинг 2008. Една година претходно сопругата на Штајнер е тешко повредена во сообраќајка, пред да почине тој ѝ ветува дека на Олимпијадата во Кина ќе освои злато за неа. Има три обиди.

Камери во Санкт Петерсбург го фатија моментот кога патнички автобус, од нигде никаде почна да се движи нелогично и без контрола, зафати неколку коли и преку мост се преврти во река. Брутален капитализам е причина за трагедијата. Сопругата на шоферот (кој преживеал) кажа дека после 20 часа возење, ГАЗДАТА му рекол дека мора да одработи и утринска смена. А газдата веќе имал 23 казни. Таквиот капитализам, неговите апостоли го бранат со идиотизмот „вежи коња где ти газда каже“. Ете како завршува тоа.

Избирачката комисија на Џорџија малку подзанеме кога разбра дека во еден тамошен округ, 3.000 гласачки листови од изборите во 2020 година биле двапати скенирани. Е, добро, де, што се три илјади гласови во купчето? Да де, само што во купчето недостасуваат скенови од вкупно 380.761 гласачко ливче! И покрај сè, комисијата процени дека не е потребна дополнителна истрага на таа тема.

На еден добар дел од македонските новинари, гостинот на кој му поставиле прашање може да почне да одговара што му е курцу воља пошто новинарот веќе зјапа во белешките (за да се потсети која му е следна тема/прашање). По некое време ќе го каже легендарното „за жал, имаме уште многу теми а времето ни е кратко“ и ќе продолжи. Кај Пирс Морган не оди тоа така. Тој кога ќе нагази некого, како Тајсон да го стерал в ќош и мава, мава...